کیا عجب تو نے ہر اک ذرّہ میں رکھے ہیں خواص

بن رہا ہے سارا عالَم آئینہ اَبْصار کا	کس قدر ظاہر ہے نور اُس مبدء الانوار کا
کیونکہ کچھ کچھ تھا نشاں اُس میں جمالِ یار کا	چاند کو کل دیکھ کر میں سخت بے کَل ہو گیا
مت کرو کچھ ذکر ہم سے تُرک یا تاتار کا	اُس بہارِ حُسن کا دل میں ہمارے جوش ہے
جس طرف دیکھیں وہی رہ ہے ترے دیدار کا	ہے عجب جلوہ تری قدرت کا پیارے ہر طرف
ہر ستارے میں تماشہ ہے تری چمکار کا	چشمۂ خورشید میں موجیں تری مشہود ہیں
اُس سے ہے شورِ محبت عاشقانِ زار کا	تو نے خود رُوحوں پہ اپنے ہاتھ سے چھڑکا نمک
کون پڑھ سکتا ہے سارا دفتر ان اسرار کا	کیا عجب تو نے ہر اک ذرّہ میں رکھے ہیں خواص
کس سے کھل سکتا ہے پیچ اِس عُقدۂ دشوار کا	تیری قدرت کا کوئی بھی انتہا پاتا نہیں
ہر گل و گلشن میں ہے رنگ اس ترے گلزار کا	خُوبرُویوں میں ملاحت ہے ترے اُس حسن کی
ہاتھ ہے تیری طرف ہر گیسوئے خمدار کا	چشمِ مستِ ہر حسیں ہر دم دکھاتی ہے تجھے
ورنہ تھا قبلہ ترا رُخ کافر و دیندار کا	آنکھ کے اندھوں کو حائل ہو گئے سَو سَو حجاب
جن سے کٹ جاتا ہے سب جھگڑا غمِ اَغیار کا	ہیں تری پیاری نگاہیں دلبرا اِک تیغِ تیز
تا مگر دَرماں ہو کچھ اس ہجر کے آزار کا	تیرے ملنے کے لئے ہم مل گئے ہیں خاک میں
جاں گَھٹی جاتی ہے جیسے دل گھٹے بیمار کا	ایک دم بھی کَل نہیں پڑتی مجھے تیرے سوا
خوں نہ ہو جائے کسی دیوانہ مجنوں وار کا	شور کیسا ہے ترے کوچہ میں لے جلدی خبر

(سرمہ چشم آریہ صفحہ 4۔ مطبوعہ 1886ء)

(اخبار احمدیہ جرمنی شمارہ جولائی 2024ء صفحہ 6)

متعلقہ مضمون