| کیسے شکر و ثنا تیری ہو ذُوالْمِنَنْ | مالکُ المُلک ہے تو خدائے زَمَن |
| سب ہے بخشش تری سب ہے تیری عطا | تیرے فرمان پر بَابِ فَتْحَ کھلا |
| ہم چلے رکھ کے پلکوں پہ تیرے سُخن | تیرے صدقے، کہا تو نے خُدّامِ مَن |
| اُدْخُلُوْا سُجَّدًا اُدْخُلُوْا سُجَّدًا
اُدْخُلُوْا اُدْخُلُوْا اُدْخُلُوْا سُجَّدًا |
|
| تیشۂ جبر سے اور نہ تلوار سے | دل تو جیتے تھے اسلام نے پیار سے |
| ظالموں نے بدل ڈالا تاریخ کو | کام ایسا لیا حرفِ عیّار سے |
| کر چکے اپنے دن پورے کِذْب و فِتَ | تیرے صدقے، کہا تُو نے خُدّام مَن |
| اُدْخُلُوْا اُدْخُلُوْا اُدْخُلُوْا سُجَّدً | |
| ارضِ مغرب پہ آئی مبارک گھڑی | وقت کی رہگزر میں ہے صُبح نئ |
| قلبِ یورپ سے چھٹنے لگی تیرگ | جگمگانے کو ہے مہرِ موعود بھ |
| ہونے والے ہیں روشن یہ دشت و دَمَن | تیرے صدقے کہا تو نے خُدّامِ مَن |
| اُدْخُلُوْا اُدْخُلُوْا اُدْخُلُوْا سُجَّدًا | |
| باب فَتح کو، فتحِ مُبیں میں بدل | اے خدائے محمدؐ، اے عزّ و جَلْ |
| ہم سبھی ہیں غلامِ شہِ انبیاؐ | تُو ہے مولیٰ ہمارا، ہمیں دے وہ پھل |
| جن سے دائم رہے آبروئے چمن | تیرے صدقے، کہا تو نے خُدّامِ مَن |
| اُدْخُلُوا اُدْخُلُوْا اُدْخُلُوْا سُجَّدًا | |
| ہم تو ایماں کی مشعل اٹھائے ہوئے | آئے در پر ترے، سر جھکائے ہوئے |
| بارگہ میں تری، عجز و صِدق و صَفا | لائے طشتِ دعا میں، سجائے ہوئے |
| پوری کر دے مُرادیں ہماری سجن | تیرے فرمان پر بابِ فتح کُھلا |
| ہم چلے رکھ کے پلکوں پہ تیرے سخن | تیرے صدقے، کہا تو نے خُدّامِ مَن |
| اُدْخُلُوْا سُجَّدًا اُدْخُلُوْا سُجَّدًا
اُدْخُلُوْا اُدْخُلُوْا اُدْخُلُوْا سُجَّدًا |
|
(جمیل الرحمٰن)
(اخبار احمدیہ جرمنی، شمارہ جنوری 2024ء صفحہ 13)
متعلقہ مضمون
تری کائنات کا راز تو نہ کسی پہ تیری قسم کھلا
محرم الحرام
محبوبِ جہاں
ابیاتِ شہیدِ مرحوم